KOMRA rrjeti i pajtimit

rekom-photo-rekom-640x480

11.05.2017.

Rinis fushata për Komisionin Ballkanik të së Vërtetës

Fushatat, Procesi Berlinit

Një koalicion OJQ-sh që përkrahin krijimin e komisionit rajonal të së vërtetës RECOM për të përcaktuar faktet mbi luftërat e viteve 1990 po rinisin fushatën e tyre në të gjithë Ballkanin.

Një aktivist i RECOM duke mbledhur firma. Foto: RECOM website

Koalicioni për RECOM do të mbledhë firma përkrahjeje për komisionin rajonal të shtunën në Sheshin Republika të Beogradit, pasi synon që liderët e Ballkanit të angazhohen në trajtimin e çështjeve që kanë të bëjnë me të kaluarën e kohës së luftës.

Aktivistët do të mbledhin gjithashtu firma deri më 24 maj në qytete në të gjitha vendet e ish-Jugosllavisë, përveç Maqedonisë, për shkak të krizës politike aty.

“Ne kuptuam që nuk i kushtohet më ndonjë mirëkuptim apo vëmendje trajtimit të të kaluarës në Ballkan dhe kjo çështje, e cila është shumë e rëndësishme për të ardhmen e këtij rajoni, po fshihet nën qilimin,” tha për BIRN Anita Mitiç, drejtoresha e OJQ-së Nisma Rinore për të Drejtat e Njeriut, e cila është pjesë e Koalicionit për RECOM.

Mitiç tha se kjo ishte arsyeja pse Qendra për të Drejtën Humanitare, Koalicioni për RECOM dhe Nisma Rinore për të Drejtat e Njeriut vendosën të rifillojnë procesin e mbledhjes së firmave mbështetëse në një përpjekje për të vendosur në axhendën politike rëndësinë e krijimit të një komisioni të tillë.

Ata duan të bindin liderët e shteteve ish-Jugosllave dhe përfaqësuesit e Bashkimit Europian të nënshkruajnë një marrëveshje që do t’i detyrojë ata të krijojnë komisionin.

Ata kanë thënë gjithashtu se do t’i bëjnë thirrje liderëve të Ballkanit Perëndimor në samitin e tyre në Trieste në korrik të ndërmarrin hapat e nevojshme për të krijuar RECOM-in.

Komisioni rajonal ka si synim të përcaktojë faktet për krimet e luftës dhe shkeljet e të drejtave të njeriut të kryera në ish-Jugosllavi nga vitin 1991 deri në vitin 2001.

Koalicioni për RECOM u themelua në vitin 2008 dhe fushata e tij e parë për mbledhjen e firmave nisi në vitin 2011.

Mbledhja e firmave u organizua në të gjitha kryeqytetet e republikave të ish-Jugosllavisë dhe në internet.

Koalicioni për RECOM arriti të mblidhje një milion firma mbështetëse dhe deri më tani ka marrë 600,000.

Përkrahësit e të drejtave të njeriut kanë paralajmëruar gjatë muajve të fundit se procesi i drejtësisë tranzicionale të pasluftës në rajon ka ndaluar.

“Është hequr dorë plotësisht nga e drejta për të ditur atë që ndodhi në të kaluarën,” tha në një konferencë për shtyp në Beograd në mars Natasa Kandiç, themeluesja e OJQ-së Qendra për të Drejtën Humanitare.

( Publikuar në BalkanInsight, 11. 05. 2017. )

This website was created and maintained with the financial support of the European Union. Its contents are the sole responsibility of the RECOM Reconciliation Network and do not necessarily reflect the views of the European Union.