Вест: ИНИЦИЈАТИВА НА БАЛКАНСКИ ИНТЕЛЕКТУАЛЦИ ЗА ТРАЈНО ПОМИРУВАЊЕ ВО ДРЖАВИТЕ НА БИВШАТА СФРЈ

Ќе се собираат факти за геноцид, убиства, злосторства и за страдања

Ка­де лежат посмртните останки на жртвите од крвавиот распад врз Југославија и од конфликтот во 2001 година во Македонија, зошто нивните семејства не можат дос­то­инс­тве­но да ги закопаат, кои се фактите за страдањата, кои се местата на уби­ства на цивили и војници, кои биле локациите на заточеништво и тортура, што се случувало внатре, кои биле актерите и многу други факти ќе утврдува Ре­ги­о­нал­на­та комисија (РЕКОМ), поддржана и од интелектуалци од Македонија.

“Нев­ла­ди­на­та иницијатива РЕКОМ, во оваа прва фаза има намера да направи пре­ци­зен попис, документација на загинатите, повредените лица, а особено да утврди фак­ти за геноцид и за воени злосторства. Ние собираме факти, документација, не ор­га­ни­зи­ра­ме судење, бидејќи не сме параинституција. За тоа си има судови и Хаш­ки трибунал за воени злосторства”, вели директниот поддржувач на РЕКОМ за Македонија професорката Билјана Ванковска, повикувајќи ги политичарите, пред сe, претседателот Ѓорге Иванов, да ја поддржат РЕКОМ и да $ дадат ле­ги­ти­ми­тет, за да може во втора фаза да повикува сведоци за страдањата. РЕКОМ нај­пр­вин се обраќа, всушност, до претседателите на бившите ЈУ држави, но и до Прет­се­да­тел­ка­та на Албанија, и првин од нив бара да се вклучат во иницијативата.
Спо­ред Ванковска и професорката Гордана Силјановска, политичарите не ни зна­ат што е помирување и како може да се дојде до него. Помирување, велат, не е мож­но со политичка амнезија. За да дојде до помирување и понатаму заедно да жи­ве­е­ме, претходно треба да утврдиме што се случувало на територијата на СФРЈ и во Македонија и да си кажеме никогаш повеќе, вели Силјановска. (С. К. Д.) фо­то: В. Тануровски

Иванов сe уште не дал поддршка

“Јас апелирам до мојот колега и претседател професор Ѓорге Иванов да ни од­го­во­ри позитивно на бараната поддршка за иницијативата РЕКОМ, како што тоа ве­ќе го сторија претседателите на Црна Гора Филип Вујановиќ и на Словенија Да­ни­ло Тирк. Ќе му појдеме во посета и ќе апелираме да ја поттикне и Владата да нe под­др­жи”, вели професорката Билјана Ванковска.
На прашање на “Вест” дали молкот на Иванов е поради тоа што лани го потпиша За­ко­нот за амнестија на Хашките случаи, таа одговори: “Амнестијата значи ос­ло­бо­ду­ва­ње од кривично гонење, но не и од вина. Воените злосторства не зас­та­ру­ва­ат”.